O Waterpolo Galaico retoma a liga cun claro triunfo ante o RCN Vigo (20-6)
Por Redacción
Un mes despois todo segue igual na Liga Galega Abosulta de 1ª División de Waterpolo, co Galaico no máis alto e manténdose invicto na clasificación despois de gañar con solvencia ao RCN Vigo (20-6).
Os de Javi de Sáa suman cinco vitorias e ningunha derrota no que vai de liga, a pesar de que no encontro desta fin de semana, disputado no Complexo Deportivo Rías do Sur, contaban con varias baixas importantes.
Aínda con estas ausencias os pontevedreses dominaron dende o inicio cun parcial de 7-0 no primeiro cuarto que encarrilou o triunfo.
O partido serviu ademais para que tres xogadores cadetes como Iago, Luis e Jacobo se estreasen co primeiro equipo seguindo o camiño de Pablo Teijeira, debutante a pasada xornada.
CW GALAICO (20): Pablito, Rober (8), Iago, Rubén (1), Luis, Juanjo (2), Ángel (2), Andrés (3), Mauro (1), Pablo (1), Bran (2), Juan, Jacobo.
RCN VIGO (6): Del Río, Navarrete (1), Ceide (1), Mouriño, Amarelo (1), Romero (1), Argibay (2), Lago, Carrera, Parra, Araújo.
Parciais: 7-0, 4-3, 3-2, 6-1.