Confianza do Poio Pescamar en Luis López-Tulla, que renova como adestrador para a súa segunda tempada na Seca
Por Redacción
Só unhas horas despois de caer eliminado nas semifinais polo título de liga, o Poio Pescamar puxo a primeira pedra do seu novo proxecto deportivo apostando pola continuidade.
O conxunto conserveiro anunciou a renovación do seu adestrador, Luis López-Tulla, que no seu primeiro curso na Seca asinou unha tempada histórica clasificando por primeira vez na historia rojilla ao equipo para o play-off polo título cun segundo posto na liga regular.
"Unha bagaxe entre Liga, Copa da Raíña e Copa Galicia de 25 vitorias, 6 empates e 5 derrotas, así como o noso primeiro playoff polo título dunha liga na que terminamos segundas, como equipo menos goleado, avalan o magnífico traballo de Luís, incluíndo a gran conexión con vestiario e afección", explica o Poio Pescamar.
Pois o que falaban Luis e Juanjo igual era a súa máis que merecida renovación
— Poio Pescamar FS (@PoioPescamarfs) June 11, 2023
https://t.co/PQ7uEuhPTG
Se aínda non subistes á Luisneta, é o momento #PoioPescamar pic.twitter.com/90sgWutRVV
Desta forma o técnico madrileño, de 27 anos, dará continuidade ao seu proxecto en Poio.
É o primeiro paso para o novo Poio Pescamar, que pensa xa en reiventarse un ano máis co obxectivo de consolidarse entre os equipos máis poderosos da máxima categoría nacional.