A Gladiator Race 2023 colga o cartel de 'non hai billetes'
Por Redacción
A oitava edición da Gladiator Race en Pontevedra será todo un éxito de participación.
Con varias semanas por diante aínda para a súa celebración, xa que terá lugar o vindeiro sábado 3 de xuño na Illa das Esculturas, a popular proba deportiva de obstáculos completou o límite de prazas de inscrición habilitadas.
Só na versión para nenos, a Gladiator Kids, existe aínda a posibilidade de anotarse.
No que respecta a as principais modalidades, 'Rocket' (5 quilómetros e 25 obstáculos) e Warrior (8 quilómetros e 35 obstáculos), colgouse do cartel de 'non hai billetes'.
Desta forma excederase folgadamente a cifra do milleiro de deportistas, xa que as quendas programadas son de 100 persoas cada unha habendo previstas cinco na versión Rocket e seis na Warrior, ao que se suman dúas máis reservadas para deportistas elite.
A actividade na Gladiator Race 2023 dará comezo ás 16.00 horas da tarde precisamente coa categoría Warrior Elite (16.00 horas), continuando a partir dese momento e durante o resto da tarde as demais quendas previstas.
A Gladiator Kids pola súa banda desenvolverase o domingo 4 de xuño desde as 11.00 horas da mañá.
Relacionadas:
-
Aventuras, diversión e moitos obstáculos na oitava edición da Gladiator Race
Por Almu Dapena & Cristina Saiz |
-
A celebración da Gladiator Race este sábado cortará o acceso a Monte Porreiro pola Avenida de Bos Aires
Por Redacción |
-
A Gladiator Race reunirá 1.400 persoas esta fin de semana na Illa das Esculturas
Por Manu Otero |
-
A Gladiator Race confirma para 2023 a súa oitava edición en Pontevedra
Por Redacción |
-
Tarde de aventuras na Illa das Esculturas co regreso da Gladiator Race
Por Manu Otero & Cristina Saiz |