A fase final da Copa da Raíña agarda a un Marín Futsal sen complexos
Por Diego Espiño
Coa permanencia na Primeira División encarrilada, aínda que por confirmar, o Marín Futsal afronta esta fin de semana o maior reto da tempada coa disputa da fase final da Copa da Raíña.
Por segundo ano consecutivo o conxunto marinense coouse na final a oito polo título copeiro, e de novo o Roldán murciano aparece como rival nos cuartos de final.
En 2022 o actual sexto clasificado da liga foi o seu verdugo, pero o Marín Futsal non renuncia este ano a nada afrontando a cita "coa máxima ilusión e sen nada que perder", sinalan desde o club.
Xogadoras e corpo técnico puxeron este xoves rumbo á localidade madrileña de Boadilla del Monte, sede da fase final e onde se medirán ao citado Roldán ás 16.00 horas do venres.
De superar a eliminatoria en semifinais esperaría o sábado (16.00 horas) o vencedor do Futsi Atlético-Melilla, mentres que a final está fixada para as 13.00 horas do domingo.
Preséntase un duelo tenso e igualado fronte o Roldán, e é que o dous enfrontamento ligueiros entre ambos os dous equipos acabaron este ano en táboas (3-3 na Raña e 1-1 en Murcia).
A convocatoria do Marín Futsal compóñena as gardameta Silvia Aguete, Lucía Paz e Iria Varela, ademais de Ceci, Café, Pau, María León, Adri, Inés Mayan, Lara Balseiro, Nuria Rodríguez, María Estévez, Ale de Paz e a xogadora do filial María Domínguez.
Relacionadas:
-
Amargo adeus do Marín Futsal en cuartos de final de Copa da Raíña (1-2)
Por Diego Espiño |
-
O Marín Futsal estrélase co Amarelle na súa loita pola permanencia (2-1)
Por Redacción |
-
O Móstoles rouballe dous puntos ao Marín Futsal nos últimos minutos (3-3)
Por Redacción |
-
O Roldán, rival do Marín Futsal na fase final da Copa da Raíña
Por Redacción |
-
Ramiro Díaz renova como adestrador do Marín Futsal
Por Redacción |