Moscardó e Castellae despídense de Pontevedra tras catro intensos días de waterpolo
Por Redacción
O Club Waterpolo Galaico pechou o pasado domingo catro días de intenso 'stage' acompañado por varios dos equipos do Club Natación Madrid Moscardó no Complexo Deportivo Rías do Sur de Pontevedra.
Ambos os dous clubs compartiron sesións de adestramento nunha concentración que finalizou con dúas xornadas de partidos nas que tamén participou o Club Waterpolo Castellae de Burgos.
O conxunto madrlieño do Moscardó acudiu a Pontevedra con xogadores de categoría alevín e infantil masculina e infantil e cadete feminina.
En total preto dun centenar de waterpolistas gozaron do 'stage' entre os equipos pontevedrés, madrileño e burgalés.