![](/web/cache/scene/uploads/fotos/foto/529/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/63e134660a-unnamed-6-.jpg)
© Sociedad Gimnástica
Alfonso García consegue un bronce para a Sociedad Gimnástica no nacional de Antequera
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Campionato de España sub 23 de pista cuberta celebrouse en Antequera entre o 4 e 5 de febreiro. Ata alí desprazáronse cinco atletas da Sociedad Gimnástica de Pontevedra: Cristina Garrido, Andrea Villaverde, Carmen Vitoria González, Juan Piñeiro e Alfonso García. Este último foi capaz de conseguir unha medalla.
Alfonso García presentábase no nacional de pista cuberta na súa mellor tempada baixo teito. Conseguira en varias ocasións superarse a si mesmo e bater a súa mellor marca persoal en salto de altura. Por tanto, plantábase en Antequera como un dos favoritos. Cumpriu coas expectativas e conseguiu o seu obxectivo de subirse ao podio cun mellor intento de 2,06 metros que lle brindou o terceiro posto da clasificación.
Andrea Villaverde quedou finalista en salto de lonxitude, oitava con 5,69 metros. Nesa mesma proba, Juan Piñeiro foi undécimo con 6,79 metros.
Nas probas de velocidade, Carmen Vitoria González non conseguiu meterse na final dos 800 metros, mentres que Cristina Garrido tampouco foi capaz de clasificarse para a semifinal por un tropezón na saída.
A Gimnástica tamén celebrou éxitos a nivel autonómico esta fin de semana. En Pontevedra celebrouse no Campionato Galego de Lanzamentos Longos que se pechou cun dobrete para a entidade lerezana da man de Víctor Gallego e María Ezquerro en lanzamento de peso. O ouro saboreouno tamén Jonathan Correa en lanzamento de xavelina, disciplina na Ángeles Filgueira foi terceira. Mentres que en Martelo, Iria Filgueira conseguiu tamén un bronce.
Relacionadas:
-
A ximnástica Isabel Caeiro inaugura o seu medalleiro nacional cun bronce nos 3.000 metros lisos
Por Redacción |
-
Antía Chamosa consegue o bronce no campionato de España de marcha
Por Redacción |
-
Choiva de medallas para a Gimnástica no autonómico de pista cuberta
Por Redacción |
-
A Gimnástica participará en calidade de club convidado na primeira gran competición do ano
Por Redacción |