Difícil calendario para un Pontevedra ao que retratan os seus números
Por Diego Espiño
Din que as comparacións son odiosas e neste caso o actual Pontevedra pode dar fe diso. Os granates non superan en ningún aspecto o equipo que o pasado ano se clasificou en cuarto lugar a final de liga.
Transcorridas 11 xornadas de competición os lerezanos gañaron tan só cinco partidos polos sete de hai un ano. Tres deles foron os primeiros compromisos da tempada pero dende entón, en oito encontros, o equipo dirixido por Milo Abelleira gañou dous choques, empatou tres e perdeu outros tres, 9 puntos de 24 posibles.
As dúbidas invadiron o clube, como demostra a visita do presidente Mauricio Rodríguez ao primeiro adestramento da semana. Urxe unha reacción o antes posible pero o calendario non é precisamente sinxelo para o conxunto granate.
O ÿrdenes ganou no seu estadio de Vista Alegre a Deportivo B, Rácing Villalbés, Alondras e Céltiga
Faise imprescindible volver sumar de tres en tres domicilio, algo que non sucede dende a terceira xornada ligueira do pasado 9 de setembro. A primeira ocasión chega o próximo domingo ante o çOrdenes, un rival que basea o seu poderío nos partidos que actúa como local. No seu campo, Vista Alegre, sumaron 12 dos 15 puntos que ten na táboa grazas a vitorias ante o Deportivo B, Rácing Villalbés, Alondras e Céltiga. Só lle escaparon tres puntos na segunda xornada ante o Villalonga de Guillermo Fernández.
Unha semana máis tarde chegará a Pasarón o que se está a erixir como auténtica revelación da tempada, As Pontes. O equipo coruñés é o cuarto clasificado despois de perder só un encontro dos últimos seis, aínda que fóra do seu estadio baixa lixeiramente o seu rendemento.
O peor non obstante virá nos dous desprazamentos posteriores, Compostela e Racing de Ferrol. Primeiro será na xornada 14 a quenda do equipo santiagués, invicto ata o momento en San Lázaro. Alí gañou catro compromisos ligueiros e empatou tan só un, ante o Deportivo B. Dous semanas despois será a quenda do líder e máxima favorito da Terceira galega que, con 27 puntos, se impuxo en nove partidos e só deixou de puntuar en dous. Entre medias, na xornada 15, pasará por Pontevedra un dos equipos máis débiles ata o momento, o Dorneda, única cita que, a priori, deberían solucionar os granates con suficiencia, máxime ao xogar na casa.
Con este panorama os homes dirixidos por un discutido Milo Abelleira deberán buscar a regularidade perdida e que parecía ter alcanzado nos tres primeiros partidos. Esas foron as únicas citas nas que o Pontevedra mantivo a súa portaría a cero, dende entón sempre se encaixou polo menos un tanto. ÿ outra das comparacións negativas con respecto á tempada 2011-2012, hai un ano o balance entre goles a favor e en contra era de 20-6, agora mesmo é de 13-11. Os números falan por si sós.