Un desafortunado último cuarto leva o Arxil á derrota en Santander (57-49)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Palacio de Deportes de Santander foi escenario dun cambio de tendencia. O líder da liga Tirso Intercentro acumulaba dúas derrotas consecutivas antes de enfrontarse ao Arxil, que encaraba o enfrontamento nunha dinámica positiva. O duelo foi igualado e foi a fortaleza física e psíquica das locais no último cuarto o que fixo inclinar a balanza do seu lado.
As locais entraron no partido máis enchufadas que o seu rival e dominaron por completo o primeiro cuarto. Mais a tendencia cambiou na segunda, na que as de Mayte Méndez puxeron o mono de traballo para darlle a volta ao marcador (28-25).
O guión non cambiou tras o paso polos vestiarios e as verdes, comandados polas acertadas Nerea Lista e Heather Fortster, seguiron dominando o partido.
Con todo, a situación cambiou no último cuarto. A defensa cántabra anulou o xogo ofensivo das pontevedresas, que tamén na faceta defensiva tamén viron desbordadas e asistiron impotentes á incesante remontada do Tirso, que finalmente logrou unha vitoria moito máis cómoda do esperado vendo como se desenvolveu o partido.