Un Pontevedra con "mentalidade gañadora" viaxa a Ceuta a por a súa primeira vitoria a domicilio
Por Almu Dapena
O Pontevedra CF enfróntase este domingo ás 12:00 horas a un equipo que Antonio Fernández coñece moi ben. Trátase do Ceuta, pechacancelas na clasificación pero que realiza un "fútbol combinativo capaz de sorprender a calquera rival", admitiu o técnico granate na rolda de prensa habitual previa ao encontro.
Contará con todos os xogadores coa única excepción de Oier Calvillo, que non adestrou en toda a semana e está pendente das probas pola súa lesión no ombreiro, para viaxar "a un sitio complicado" onde se enfrontarán "dous equipos necesitados por conseguir unha vitoria", uns por gañar na casa e outros por conseguir o primeiro triunfo a domicilio.
En todo caso a clave o domingo será manter a portería e minimizar as transicións do Ceuta, un equipo que "por filosofía de xogo e polas características dos xogadores que ten arriba vaiche a crear dificultade". Por iso o Pontevedra buscará ter a pelota, estar ben plantado e conceder o mínimo posible ao rival, tentando reflectir o que se viu no partido de Copa do Rei contra o Manresa e, sobre todo, que o equipo deixe atrás a falta de acerto para gol que arrastra desde o inicio.
É precisamente a falta de acerto o que condena ao Pontevedra a estar en postos de descenso. "Chegamos moito", explicou o adestrador, "se cadra debemos chegar en mellores condicións e que os centros sexan de moita máis calidade", algo que considera que xa se está mellorando.
Ademais o equipo leva "dúas xornadas sen perder, está a traballar moi ben pero o que premia é conseguir puntos". Quere Antonio Fernández que os seus fagan un "partido completo en todas as liñas e que saiba onde temos que levar o balón para facer dano ao Ceuta", ao que "hai que respectar" aínda que sexa pechacancelas e que xoga no seu feudo, un condicionante que inflúe a todos os equipos.
Iso si, as escusas non valen ao técnico do Pontevedra, nin pola dificultade que supón viaxar a Ceuta nin o xogar fóra de Pasarón, por iso o equipo irá "con mentalidade gañadora, de ir a por todas" e levar o peso do partido para ver se así chega a primeira vitoria fóra de casa.
Relacionadas:
-
O Pontevedra vence e convence en Ceuta para facerse coa súa primeira vitoria a domicilio en liga (1-2)
Por Almu Dapena |
-
David Soto defende que o Pontevedra está "en traxectoria ascendente" esperando "romper esa mala serie en Ceuta e conseguir gañar por fin fóra"
Por Diego Espiño |
-
Oier Calvillo mantense na enfermería e evita a primeira semana con dispoñibilidade plena no Pontevedra
Por Diego Espiño |
-
Queixa do Ceuta, próximo rival do Pontevedra, por "penaltis non concedidos, goles anulados, expulsións rigorosas e deficiente trato aos nosos futbolistas"
Por Diego Espiño |
-
O Pontevedra, ante unha semana clave con visita ao pechacancelas Ceuta
Por Diego Espiño |
-
Antonio Fernández: "As vitorias morais non dan tres puntos, pero si reforzan o grupo"
Por Manu Otero |
-
Un Pontevedra brillante queda a cero pola súa falta de acerto fronte ao Fuenlabrada (0-0)
Por Manu Otero & Cristina Saiz |
-
O Tenerife, rival do Pontevedra na segunda rolda da Copa do Rei
Por Manu Otero |
-
A falta de gol a domicilio, un mal que se enquista no Pontevedra
Por Diego Espiño |