Domingo 13 en horario matinal, data proposta polo Manresa para medirse ao Pontevedra na Copa do Rei
![Almu](/web/cache/scene/uploads/xornalistas/foto/ea8/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5e90aef8d7-_noc0208.jpg)
Por Almu Dapena
O Manresa, rival do Pontevedra CF na primeira rolda de Copa do Rei, propuxo este venres data e hora para a disputa do partido a falta da validación oficial por parte da Real Federación Española de Fútbol.
Desta forma, se a Federación o confirma, o encontro disputarase o domingo 13 de novembro ás 12:00 horas en casa do equipo de menor categoría, o Manresa, rival que milita na Segunda RFEF e actual cuarto clasificado do Grupo III.
O conxunto granate desprazarase a terras catalás para medirse no Estadi do Congost, campo de herba sintética con capacidade para 3.700 persoas nas bancadas.
O prezo das entradas, xa fixado, será para os socios de 10 euros en Tribuna Lateral e de 15 Sentada, mentres que, para os non socios, de 20 en Lateral e 30 Sentada.