O Teucro, gafado coas viaxes ás Illas Canarias
Por Redacción
Por segunda vez esta tempada os temporais afectan de cheo á Sociedad Deportiva Teucro, esta vez sufrindo nas súas carnes os problemas para regresar a casa.
O conxunto pontevedrés viu como se cancelaba debido ao mal tempo o voo que debía traerlle de volta a Galicia tras xogar o seu partido en Las Palmas de Gran Canaria fronte ao BM Ingenio.
Nese momento comezou unha odisea a nivel organizativo para o cadro teucrista, ao non ofrecer a compañía aérea recolocación para a xornada de luns. Ante esa situación desde a directiva buscaron oco en dous avións rumbo a Madrid dividindo o plantel.
Mentres un grupo de teucristas viaxou na madrugada de luns enlazando na capital cun tren rumbo a Pontevedra, o resto da expedición abandonaron Canarias unhas horas máis tarde completando o percorrido desde Madrid en coche.
Trátase da segunda vez esta campaña que se ve afectado polo mal tempo, ao non poder desprazarse a Lanzarote na segunda xornada pola alerta meteorolóxica activada nas illas. Un partido que aínda non conta cunha nova data confirmada polo Comité de Competición.
Relacionadas:
-
O Teucro queda "tirado" no aeroporto de Lanzarote
Por Redacción |
-
Vitoria de mérito do Teucro sobre o Tejina (30-29)
Por Redacción & Cristina Saiz |
-
O Teucro recuperará a súa xornada perdida o día 6 de decembro
Por Redacción |
-
O Teucro déixase remontar ante o Ingenio (29-26)
Por Redacción |
-
Primeiro triunfo da tempada para o Teucro (37-32)
Por Redacción |