![](/web/cache/scene/uploads/fotos/foto/67a/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0knKLynJz1WyrgUA_/6356831c1c-312854257_574137868045565_2379456398671127743_n.jpg)
© Tríatlon PC Rías Baixas
O Tríatlon PC Rías Baixas celebra o seu segundo posto na Copa de España de Media e Longa Distancia
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Celebración para o Tríatlon PC Rías Baixas tras pechar no podio a Copa de España de Tríatlon de Media e Longa Distancia.
"Agora mesmo estamos nunha nube, aínda sen asimilar o que conseguimos, un equipo sen ningunha historia que apostou por ampliar o noso horizonte competitivo un pouco máis aló das fronteiras galegas e... aquí estamos, segundos da Copa de España", aseguran desde o club pontevedrés tras o paso adiante dado esta tempada.
A xesta, que se empezou a cocer en Platja d´Aro, o Pamplona Half Triathlon, o Sevilla Half Tríatlon e o Challenge Peguera-Mallorca, foi culminada esta domingo no Ibiza Half Triatlon, proba de media distancia que pechaba o certame nacional.
Alí, con Pablo Dapena como punta de lanza cun segundo posto pero tamén coa presenza de Jonathan Mesa e Nick Kastelein, o Rías Baixas confirmou o seu segundo lugar no podio por equipo, só superado polo Portugaletekoa vasco.
"Loitamos, sufrimos, divertímonos e gozamos de cada unha destas experiencias e oportunidades coma se fosen as últimas", defende a entidade deportiva asegurando que "nada é imposible".
Un resultado que reforza o traballo realizado durante todo o ano polo club pontevedrés e que lle dá forzas para seguir pelexando por impulsar o tríatlon desde a Boa Vila.
Relacionadas:
-
O Tríatlon Rías Baixas presume de terceiro posto no Campionato de España de Media Distancia
Por Redacción |
-
Pablo Dapena renova co equipo BMC: "Non me esperaba poder estar catro anos neste equipo"
Por Diego Espiño |
-
Pablo Dapena pecha a tempada cun segundo posto no Ibiza Half Triathlon
Por Almu Dapena |
-
Pablo Dapena estrea as cores do Tríatlon Rías Baixas
Por Diego Espiño |
-
Pablo Dapena, incorporación de luxo para a nova tempada do Tríatlon Rías Baixas
Por Diego Espiño |