O Pontevedra comeza a pretemporada este luns coa ausencia de Pacheco e Samu Santos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Termináronse as vacacións para o persoal do Pontevedra Club de Fútbol. O conxunto granate arrinca este luns 18 de xullo a pretemporada no Estadio Municipal de Pasarón a partir das 10:00 horas, a porta aberta con acceso permitido para os afeccionados a través da entrada de Tribuna.
Será a primeira sesión de adestramento dirixida por Antonio Fernández, que citou a 26 xogadores entre os que destaca a ausencia de Pacheco e Samu Santos, que contaban con contrato pero deixarán de ser xogadores do primeiro equipo.
Asegurada estará a presenza dos sub-23 Miguel Román e Martín Diz e dos sénior con contrato, como son os gardametas Pablo Cacharrón e Álvaro Cortés, os defensores Churre, Seoane, Samu Araújo, David Soto e o fichado Bastos, o centrocampista Yelko Piñeiro, os extremos Oier Calvillo, Álex González e Alberto Rubio e os atacantes Charles, Brais Abelenda e Rufo.
Completan a convocatoria o xogadores do filial Manu Vizoso, Felipe, Mario, Jorge Balea, Sergio, Boiro, Fraga, Víctor, Brais e Valentín.