Campolongo acollerá este sábado a gala anual do piragüismo galego
Por Redacción
Creada e actualizada
Creada e actualizada
O auditorio do edificio da Xunta de Galicia en Campolongo será escenario o vindeiro sábado, día 23 de novembro, da gala anual do piragüismo galego.
No acto entregaranse os trofeos da tempada recentemente concluída e farase un recoñecemento aos 43 palistas galegos que disputaron nos últimos meses regatas internacionais.
Entre os premiados estará a Escuela de Piragüismo Ciudad de Pontevedra, logo de lograr a Superliga e a Liga Galega de Ríos e Travesías, o Club Piragüismo Cambados polo seu título no autonómica de kayak de mar, ou o Club Breogán do Grove polo seu resultado nas ligas de alevíns e benxamíns.
Individualmente Teresa Portela recibirá a distinción como mellor palista feminina nun ano no que se colgou a medalla de prata en K-1 200 metros do Campionato de Europa disputado en Portugal, mentres o mellor piragüista masculino segundo a Federación foi Iván Alonso, do Kayak Tudense, ganador de dous europeos e un mundial de maratón.
Entre os demais premios destacan os do vilagarcián Diego Romero, xunto a Rubén Millán e Tania Fernández, declarados como a mellores promesas, e o Kayak Tudense, mellor club do ano.