Os padeeiros non se moven do Pontillón: esta fin de semana, Copa de España de Novas Promesas
Por Redacción
As regatas non paran no complexo deportivo David Cal do Pontillón do Castro. Despois de organizar dúas xornadas de Copa de España consecutivas e un selectivo para probas internacionais, o embalse de Verducido acolle esta fin de semana a Copa de España de Novas Promesas sobre distancia de 1000 e 500 metros.
Organizada pola Federación Galega de Piragüismo (FGP), á cita acudirán un total de 448 padexeiros (277 homes e 171 mulleres) procedentes de toda España, dos que 176 (case un 40%) son galegos.
Tal e como explica o presidente autonómico, Alfredo Bea, “en Verducido poderemos ver competir a 562 embarcacións de categorías K-1, C-1, K-2, K-4, C-2, C-4 e Paracanoe, nun evento de máximo nivel, coa participación das nosas futuras estrelas e, polo tanto, dos padexeiros e padexeiras que dominarán o deporte a nivel europeo e mundial e que seguirán a ensanchar o palmarés de medallas de Galicia e de España”.
O tenente de alcalde e concelleiro de Deportes, Tino Fernández, amosou a súa “enorme satisfacción coa historia de amor e colaboración institucional que a cidade de Pontevedra ten co piragüismo e coa Federación, acollendo case cada semana eventos dunha calidade estratosférica”. O edil do PSOE convidou “a amantes deste deporte e a aqueles que non o coñecen tanto a achegarse ata o Pontillón para desfrutar desta disciplina de sprint, que é emocionante e espectacular como poucas”.
As probas desenvolveranse o sábado 14 de 9 a 13.30 e de 16 a 20:00 horas, así como o domingo 15 entre as 9 e as 13:20 horas.
Relacionadas:
-
Fin de semana de 'xóvenes promesas' do piragüismo no Pontillón
Por Redacción |
-
O piragüismo pontevedrés cumpre o expediente na segunda xornada do selectivo nacional
Por Diego Espiño |
-
Antía Jácome e Adrián Sieiro no C-2 e Tere Portela e Carolina García no K-4 logran o seu billete para a Copa do Mundo
Por Diego Espiño |
-
Preto de 700 piragüistas cítanse en Verducido na Copa de España para embarcacións de equipo
Por Diego Espiño |
-
Choiva de medallas para o piragüismo galego na I Copa de España Sprint celebrada en Verducido
Por Almu Dapena & Cristina Saiz |
-
Oito medallistas olímpicos e outros moitos aspirantes cítanse esta fin de semana en Verducido
Por Manu Otero |