O Roldán acaba co soño copeiro do Marín Futsal nos cuartos de final (1-3)
Por Diego Espiño
Non puido ser. O Marín Futsal despediuse ao primeiro de vez da fase final da Copa da Raíña que este venres daba comezo en Ourense cos encontros de cuartos de final.
O conxunto marinense, que chegaba moi xusto de preparación tras os casos de covid e incidencias que lle fixeron presentar só a tres futbolistas ao partido de liga fronte ao Burela, viuse superado polo STV Roldán.
O encontro comezou con dominio murciano pero con moita intensidade por ambos os bandos, co Marín esperando a súa oportunidade. A primeira opción clara foi iso si para o Roldán, nos pés de Andrea Marín.
Tamén as do Morrazo estiveron preto de estrear a conta no minuto 7. Silvia Aguete sorprendeu cun envío afastado e Gaby, tras recoller o rexeite, disparaba alto. Foi xusto antes de que chegase o primeiro tanto do choque para o Roldán. Só un minuto despois Patricia recollía un rebote tras un saque de banda e conectaba un potente disparo á base do pau ante o que nada podía facer Silvia Aguete.
O gol non cambiou o guión, coas murcianas levando a iniciativa ante un Marín ao que lle custaba chegar perigo.
Antes do descanso, a só 1 segundo da conclusión, chegou de feito outro tanto do Roldán, anulado finalmente ao tocar o balón no brazo de Noelia.
Non chegou o segundo aí pero si o fixo nada máis renovarse o partido. Só pasaran 34 segundos cando Consolo aproveitaba unha rápida acción do seu equipo para poñer moi de fronte a eliminatoria co 0-2 e moi costa arriba para o Marín.
As xogadoras adestradas por Raúl Jiménez non se renderon, e estiveron preto de recortar distancias pouco despois nunha acción de Ceci deixando atrás a unha rival e disparando coa dereita sen atopar portería por moi pouco.
Os minutos pasaban sen cambios e o Marín Futsal avanzaba liñas para tentar apurar as súas opcións, ata que a cinco minutos do final Raúl Jiménez solicitaba tempo morto e apostaba polo xogo de cinco.
O movemento converteu os minutos finais nun asedio aínda que sen premio, ao defenderse con acerto o Roldán e mesmo sentenciar co seu terceiro gol, o segundo na conta de Patricia, para sacar o billete ás semifinais de Copa.
O que si logrou o Marín foi o gol da honra, o 1-3 a falta de 56 segundos, ao transformar Ceci un penalti cometido pola gardameta Cristian sobre ela mesma e que tivo que se validado polo VAR.
Relacionadas:
-
Cruel derrota Marín Futsal ante o Roldán a falta de 17 segundos para o final (2-3)
Por Almu Dapena & Cristina Saiz |
-
Primeira das tres finais polo play-off polo título para o Poio Pescamar
Por Redacción |
-
O Marín Futsal remonta e golea o Torcal (2-5)
Por Almu Dapena |
-
Festival de goles na Raña entre un Marín salvado e un Majadahonda loitando pola permanencia (3-4)
Por Cristina Saiz & Almu Dapena |
-
O Poio Pescamar visita o Ourense Envialia se marxe para o erro
Por Redacción |
-
"Chega o momento de gozar" para o Marín Futsal ante a ilusionante fase final da Copa da Raíña
Por Redacción |
-
Onda de apoios ao Marín Futsal: "Alguén debería explicar por que non se aprazou o partido habendo acordo entre clubs"
Por Diego Espiño |
-
Suspendido o Marín Futsal-Burela por non ter o equipo local o mínimo de xogadoras no campo
Por Almu Dapena & Cristina Saiz |
-
O STV Roldán murciano será o rival do Marín Futsal nos cuartos de final da Copa da Raíña
Por Diego Espiño |