O espírito de Cholo descansa para sempre no seu querido Pasarón
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
![](/web/cache/scene/uploads/fotos/foto/410/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/6274262977-whatsapp-image-2022-05-05-at-9.25.29-pm.jpeg)
© Pontevedra Club de Fútbol SAD
O Estadio Municipal de Pasarón contará para sempre ao seu lado con Eduardo Dapena Lis 'Cholo', o seu eterno capitán e lenda do 'Hai Que Roelo'.
Desde o centro do terreo de xogo o que era tamén presidente de honra da entidade, falecido o pasado 27 de marzo aos 88 anos de idade, seguirá empuxando ao equipo dos seus amores, e é que alí repousan desde este xoves parte das súas cinzas.
Foi un acto sinxelo, ao que só asistiron os seus familiares máis próximos e a presidenta granate, Lupe Murillo, celebrado a última hora da tarde.
Unha homenaxe sentida e merecida a unha figura que se converteu en símbolo de xeracións defendendo en 300 partidos de liga a elástica granate coincidindo coa época de maior éxito da súa historia.