![](/web/cache/scene/uploads/fotos/foto/365/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/604cc6f523-20210313-saiz-ponte-sampaio-inauguracion-campo-futbol-043.jpg)
© Cristina Saiz
"Máxima dispoñibilidade" do Concello á opción de Pasarón como sede do play-off a Segunda
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
O concelleiro de Deportes de Pontevedra, Tino Fernández, valorou este xoves como " moi interesante" a opción do que o Estadio Municipal de Pasarón sexa unha das sedes que escolla a Real Federación Galega de Fútbol para acoller a fase de ascenso a Segunda División.
Galicia será anfitrioa do evento as tres próximas tempadas, pero no que respecta ao presente curso só son seguras como sede as cidades da Coruña e Ferrol.
"Pola nosa banda a máxima dispoñibilidade a facilitar esa posibilidade de que Pontevedra sexa unha das sedes", explicou Fernández a PontevedraViva aínda que revelando que polo momento "a Federación Galega de Fútbol non se puxo en contacto con nós de maneira oficial".
En todo caso a posibilidade de que acoller un evento que atraia un gran número de afeccionados chegados desde diferentes puntos do estado vese con bos ollos.
"Estamos á espera de que por parte da Federación se concrete esa oferta e cales son os términos para poder valoralala e ver se é posible", concluíu o edil de Deportes.