Pamplona, próxima parada dun Poio FS que busca reencontrase co triunfo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Logo de sufrir tres derrotas consecutivas, o Poio Pescamar busca en Pamplona volver á senda do triunfo e afastarse de paso dos postos perigosos da clasificación.
As vermellas visitan nesta sexta xornada liguera ao equipo navarro do Orvina (sábado 19:30 horas), un conxunto que malia non gañar aínda logrou tres empates e que chega á cita máis necesitado que o equipo adestrado por Marcio Santos.
O técnico brasileiro despraza a todas as xogadoras dispoñibles: Silvia, Carmen, Charo, Mar, Claudia, Ceci, Yoly, Kiko, Elena, Paloma e Peke.