O Ravachol debuta como local cun duelo directo pola permanencia no Municipal
Por Redacción
A elite do bádminton nacional regresa a Pontevedra. O Pavillón Municipal acolle este sábado a disputa da terceira xornada de División de Honra, onde o Ravachol recibirá ao CB Benalmádena nun encontro que se presenta igualado e emocionante pola calidade de ambos os equipos.
A partir das 17.30 horas, o Municipal será testemuña dun duelo entre rivais directos pola permanencia. O Benalmádena, equipo consolidado desde hai anos na máxima categoría nacional, chega reforzado por fichaxes de primeiro nivel, nacionais e estranxeiros, polo que se presenta un duelo moi difícil de resolver para os locais, que poñerán toda a carne no asador para que os tres puntos queden en casa.
Tras dúas xornadas disputadas, o Benalmádena acumula dúas derrotas, mentres que o Ravachol Pontevedra unicamente disputou a primeira xornada, con derrota ante o IES La Orden de Huelva, xa que esta tempada ao ser grupos impares cada equipo descansa unha vez en cada volta.
O director deportivo do Ravachol, Jesús Pereiro, comentou na previa que "esta tempada non hai partidos fáciles, o nivel da liga subiu aínda máis e calquera descoido ou contratempo pode facerche gañar ou perder contra calquera, xogaremos as nosas cartas o mellor posible para conseguir a vitoria".
O xogador do primeiro equipo Manuel Brea sostén que "nos fai moita ilusión volver xogar en casa, esperamos dar o noso mellor nivel e sumar os primeiros puntos da tempada despois das boas sensacións da primeira xornada".
Relacionadas:
-
Primeira vitoria da tempada para o Ravachol nun partido de infarto ante o Benalmádena (4-3)
Por Cristina Saiz & Redacción |
-
Lete Lasa destaca o gran nivel do bádminton galego na súa recepción en Pontevedra aos campións de España
Por Redacción |
-
O Bádminton Ravachol inicia a liga con derrota pero plantando cara ao potente IES La Orden
Por Redacción |
-
O Ravachol xa coñece o seu calendario, debutará o 25 de setembro en Huelva
Por Redacción |