O árbitro pontevedrés Muñiz Ruiz debuta este sábado sobre o verde de Mendizorroza
Por Manu Otero
O árbitro pontevedrés Alejandro Muñiz Ruiz debutará sobre o céspede de Primeira División este sábado. Despois de asistir como auxiliar do VAR aos encontros da primeira xornada de Mestalla e do Ramón Sánchez Pizjuán, o colexiado galego fará a súa primeira aparición como árbitro principal na máxima categoría do fútbol español en Mendizorroza para dirixir, a partir das 17 horas, o partido entre o Alavés e o Mallorca.
Muñiz Ruiz estará asistido nas bandas polo manchego Cerdán Aguilar e o navarro Alonso López. O cuarto árbitro será o asturiano Ruiz Álvarez, mentres que na sala do VAR estará o catalán Medié Jiménez como árbitro principal e o cántabro Cordeiro Vega, como auxiliar.
Nos dous primeiros partidos de Primeira División nos que participou o xuíz ligado ao Comité Técnico de Árbitros de Pontevedra, o seu labor pasou desapercibida e sen transcendencia no xogo nin no resultado. Algo que non ocorrerá nesta segunda xornada, pois será o máximo responsable da dirección do partido.
Alejandro Muñiz Ruiz vive esta tempada a súa primeira tempada na liga Santander despois dun meteórico ascenso ata a elite a ritmo de ascenso por tempada. O seu bo facer na pasada campaña serviulle ademais para gañar o premio Guruceta a mellor árbitro da Segunda División.
Relacionadas:
-
O Comité Galego de Árbitros recoñece o labor de PontevedraViva na celebración do seu centenario
Por Redacción |
-
Alejandro Muñiz: "Es el momento de la historia en el que más conceptos tenemos para los casos de manos"
Por Manu Otero |
-
O pontevedrés Muñiz Ruiz recibe o premio a mellor árbitro de Segunda División da tempada 20/21
Por Redacción |
-
O árbitro pontevedrés Muñiz Ruiz debuta esta fin de semana en Primeira con dobre sesión de VAR
Por Manu Otero |
-
Homenaxe a Alejandro Muñiz tras o seu ascenso a Primeira División
Por Redacción |
-
O árbitro pontevedrés Alejandro Muñiz ascende a Primeira División: "Aún me tiembla todo"
Por Diego Espiño |
-
O pontevedrés Alejandro Muñiz recibe o Trofeo Guruceta ao mellor árbitro da Segunda División
Por Redacción |