Gómez Noya e Támara Echegoyen recibirán a medalla de ouro ao Mérito Deportivo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Boletín Oficial do Estado publicou a resolución do Consello Superior de Deportes (CSD) en relación ás distincións da Real Orde do Mérito Deportivo, que este ano conta con ampla presenza pontevedresa.
Entre os galardoados coa medalla de ouro, a maior distinción que se entrega en España a un deportista, encóntranse o triatleta Javier Gómez Noya e a regatista Támara Echegoyen, premiada xunto ás súas compañeiras do Match Race olímpico Ángela Pumariega e Sofía Toro.
Unha lista de nomes entre os que destacan campións olímpicos como Joel González ou Marina Alabau e figuras do deporte como o piloto Jorge Lorenzo.
O CSD decidiu premiar ademais coa medalla de prata ao Mérito Deportivo a piragüista Teresa Portela e o tirador paralímpico, prata en Londres, Juan Antonio Saavedra.
Pola súa banda, entre os deportistas que serán distinguidos coa medalla de bronce encóntranse Ramón Ferro e ÿscar Graña, recentemente proclamados campións mundiais de piragüismo maratón, xunto a outro padexeiro pontevedrés, Álvaro Fernández Fiuza, prata na mesma proba.
O acto de entrega para todos os deportistas celebrarase o próximo 29 de outubro en Madrid.