Roberto Rodríguez gaña o XVIII Open Cidade de Pontevedra
Por Redacción
Roberto Rodríguez é o novo campión do XVIII Open Cidade de Pontevedra, celebrado no Club de Tenis, tras superar na final a Miguel Casal por 6-4 e 7-5.
O partido decisivo foi unha repetición do xogado hai agora un ano e puxo fronte a fronte nos dous principais candidatos ao título, aínda que nesta ocasión foi Rodríguez, segundo cabeza de serie, quen superou ao vixente campión e primeiro cabeza de serie Miguel Casal.
Rodríguez, que ocupa o posto 42 na clasificación de tenistas españois, é o actual campión absoluto de Galicia, galardón que logrou precisamente a custa de Casal, a quen venceu na final disputada o pasado mes de xullo.
O campión levouse un premio de 350 euros, mentres que o finalista obtivo 180. O resto dos premios en metálico, ata completar 1.000 euros, repartíronse entre os semifinalistas, cuartofinalistas e octavofinalistas.