Marín busca consolidar a Milla Urbana San Miguel, que chega á súa XVI edición
Por Diego Espiño
A Avenida de Ourense de Marín acollerá o próximo sábado, 28 de setembro, a XVI edición da recuperada Milla Urbana de San Miguel.
Tras varios anos de ausencia a proba volveuse organizar en 2012 e agora non só búscase a súa continuidade, senón consolidala no calendario e mesmo aspirar, segundo o atleta e membro da organización Víctor Riobó, ao campionato de España da especialidade: "falta una reunión con la federación para conocer los requisitos pero nuestra intención es esa".
Polo momento todos se conforman con repetir o éxito organizativo do pasado ano e tamén de participación, esperando a presenza de preto de 400 deportistas nas diferentes categorías, dende alevín ata a de veteráns.
A Milla Urbana San Miguel contará ademais cunha proba para federados ás 20:50 horas na que os gañadores, en categoría masculina e feminina, recibirán un premio en metálico de 200 euros.
A proba, presentada este mércores no Concello de Marín, desenvolverase nun circuíto instalado na Avenida de Ourense dende as 18:30 horas, cunha inscrición que continuará aberta ata a tarde do venres a través do seguinte correo electrónico: consueloaboal@yahoo.es