Un grupo de pais estuda denunciar a A.J. Lérez por excluír do equipo infantil a 8 nenos de 11 e 12 anos
Por Diego Espiño
A exclusión de polo menos oito nenos de 11 e 12 anos do equipo infantil da Agrupación Juvenil de Lérez pode rematar cunha denuncia dun grupo de pais, que estuda solicitar danos e prexuízos e danos morais ante o xeito de actuar do club de base.
Estes pais, que representan oito menores, consultaron xa cun avogado e se uniron ante o que consideran "una falta de respeto" polas formas utilizadas, segundo asegura Monse Álvarez como voceira do grupo: "el viernes fueron a entrenar y llegaron llorando diciendo 'nos han echado'. No han contado para nada con los padres".
Trátase, segundo explican os proxenitores, de nenos que na súa maioría levaban varios anos no club e que en agosto foron chamados polos técnicos para unirse á pretempada do equipo, chegando mesmo a dirección da Juvenil a confirmalos mediante un escrito que os seus fillos seguían "fichados" e debían aboar a cota anual de 140 euros, ademais de ter que comprar a equipación.
Recoñecen que a entidade pode prescindir dos menores mentres non cursaron a ficha, pero entenden que a A.J. Lérez debería telo feito antes, e non nun momento no que é complicado encontrar praza noutras escolas deportivas: "ellos lo sabían a final de temporada y además trajeron a nuevos jugadores. Cuando empezaron a entrenar ya vimos que había muchos niños".
Monse Álvarez: "La idea del deporte no es esto, decirle a niños de 10 años que no valen"
Os pais critican o "afán competitivo" da escola en lugar, segundo a súa opinión, de primar a formación: "la idea del deporte no es esto, decirle a niños de 10 años que no valen, cuando lo que tienen es simplemente que jugar. Si tenían niños de más podían haber creado un tercer equipo, pero no quisieron".
Ademais de estudar a denuncia, os proxenitores puxéronse en contacto co Instituto Municipal de Deportes para que os seus responsables "tengan conocimiento de la manera de actuar de un club que recibe subvenciones públicas", e aseguran que presentarán un escrito de queixa ante o propio Concello, Deputación e Federación Galega de Fútbol.
A AGRUPACIÿN JUVENIL DE LÿREZ DEFÿNDESE
Dende a Agrupación Juvenil de Lérez, un dos seus responsables e técnico do club, Mele, quixo explicar o caso: "fue una situación que nos sobrepasó, tratamos de hacerlo lo mejor posible, de no hacer daño a nadie".
Mele: "Fue una situación que nos sobrepasó, tratamos de hacerlo lo mejor posible"
Segundo Mele, a situación vén derivada do número de nenos que participaban os últimos anos no fútbol-8 alevín, onde contaban con ata cinco equipos: "llamamos en pretemporada a todos para ver quien seguía, porque a veces hay niños que lo dejan. Teníamos casi 50 chavales y aunque les hiciéramos ficha sería dejar a 18 cada fin de semana sin jugar".
O adestrador recoñece que "lo pudimos hacer mejor", e asegura que é a primeira vez que se ven nun caso similar de contar con tantos futbolistas: "lo normal es tener problemas para completar los equipos".
Ante a posibilidade de crear un novo equipo no que poder recolocar estes nenos, como demandaban os pais, Mele asegura que o problema viría entón por outro lugar: "podríamos hacerlo pero no hay instalaciones, todos los días hay dos o tres equipos por campo, tendríamos que entrenar en tierra y habría otro problema con los padres".
O técnico mantén que a A.J. Lérez non puxo impedimentos para que os nenos poidan seguir adestrando co club, aínda que manifestou que en futuras ocasións actuarán de xeito diferente: "el próximo año lo haremos al terminar la temporada".