As nove ondas de Louzán na Lanzada
Por Diego Espiño
O presidente da Deputación, Rafael Louzán, xunto á deputada Begoña Estévez, o alcalde do Grove Miguel Pérez e o concelleiro de Deportes Fredi Bea, non tiveron reparos en poñerse o traxe de neopreno para promover o primeiro Surf Rías Baixas Pro Pontevedra 2013, que arranca este xoves na praia da Lanzada.
As autoridades gozaron dun 'bautismo de mar' no que aprenderon a posicionarse, levantarse na táboa e realizar pequenas manobras, primeiro cunhas leccións na area antes de botarse á auga.
O bautismo é similar ao que as escolas Prado, Mission e Tartaruga impartirán de xeito gratuíto a todos os que se acheguen ao areal, se así o desexan, durante os días dunha competición que pretende impulsar a provincia de Pontevedra como un destino idóneo para a práctica deste deporte.
Na Lanzada estarán durante catro días os mellores 120 surfistas europeos en idade júnior na que supón a última e decisiva cita do calendario da ASP Europe Pro Junior Series, onde se decidirán quen será os encargados de representar a Europa na final Mundial que se celebrará en novembro en Brasil.
Ademais do programa competitivo, o areal contará con diversas actividades ata o próximo domingo como exhibición e práctica do rugby e rugby-praia a cargo do Mareantes de Pontevedra ou charlas sobre a construción e funcionamento das táboas de surf.
Relacionadas:
-
O Surf Rías Baixas Pro 'sobe de categoría' e convértese nun campionato internacional absoluto
Por Alejandro Espiño |
-
A Lanzada, sen oleaxe: o Surf Rías Baixas Pro 2013 trasládase, de momento, a Oia
Por Redacción |
-
A Lanzada apúntase ao surf de alto nivel co ASP Europe Pro Junior Series
Por Diego Espiño |