Os mellores tiradores de Galicia, o sábado no II Torneo Masters de Esgrima
Por Diego Espiño
O Club Escola Hungaresa de Esgrima organiza o próximo sábado, 21 de setembro, o II Torneo Masters, que terá como escenario a céntrica Praza da Peregrina.
Alí daranse cita os mellores tiradores de Galicia de espada, florete e sabre nas categorías absolutas masculina e feminina.
O torneo arrancará ás 18:30 horas e terá un formato de asalto único a 15 toucados, enfrontando en cada modalidade o campión galego de 2012 e ao actual número un do ránking autonómico.
Antes, dende as 16:30 horas, está previsto realizar un torneo aberto de esgrima histórica, completándose as actividades cunha exhibición das categorías inferiores da Escola Hungaresa.
A representación local no torneo de esgrima olímpica redúcese a tres tiradores, todos na modalida de sabre: Natalia Fernández, Ana Barros e Víctor Revenga.