Máis de 300 nenos participan o fin de semana no I Torneo de Fútbol-8 de Ponte Caldelas
Por Redacción
A Escola de Fútbol da S.C.D. Pontecaldelas actuará de anfritriona do primeiro Torneo Mapfre de Fútbol-8, que se disputa este fin de semana no campo de Chan da Barcia.
Máis de 300 nenos de equipos da bisbarra, en categorías prebenxamín, benxamín e alevín, participarán sábado e domingo nun torneo dirixido a pequenos con idades comprendidas entre os 6 e 11 anos.
A competición arrancará ás 9:30 horas cunha xornada clasificatoria para a fase final do domingo, á que accederán os mellores equipos.
Serán oito os equipos por categoría, pasando a metade deles á xornada definitiva na que se disputarán as semifinais e a posterior final.
A cita serve de quecemento para o inicio das ligas e competicións de fútbol base nas que están inmersos os clubs participantes.