Al Rapier e Víctor García completan o plantel do Peixegalego
Por Diego Espiño
O Peixegalego xa ten confirmado o equipo co que competirá a presente tempada na Adecco Plata, despois de presentar ao ala-pívot estadounidense Al Rapier e ao escolta canteirán Víctor García.
Rapier chega a Marín para reforzar o xogo interior do equipo grazas aos seus dous metros de estatura e 100 quilos de peso. Procede do Sampaense da primeira división portuguesa.
Pola súa banda Víctor García dá o salto dende o equipo júnior consente da dificultade que entraña a terceira categoría do baloncesto nacional.
Con estas dúas incorporacións o Peixegalego dá por pechado o plantel, aínda que non descarta poder fichar se encontra unha posibilidade interesante e a baixo custo, principalmente se se trata dun novo home interior.
Actualmente o conxunto marinense conta con nove xogadores sénior, ao que hai que sumar a intención do club de contar asiduamente con varios dos integrantes do júnior.
BREOGÁN E PORTO VISITAN A RAÿA O FIN DE SEMANA
Ademais dun partido de adestramento ante o Xuven de Cambados o próximo xoves, o Peixegalego afrontará esta fin de semana un dobre compromiso na casa cun gran nivel de esixencia.
O sábado á 19:30 visitará A Raña o Breogán de Lugo en partido correspondente á Copa Galicia, mentres o domingo á mesma hora será a quenda do Porto portugués.