O partido entre Zamora e Pontevedra no Ruta de la Plata disputarase con público nas bancadas
Por Diego Espiño
A evolución da pandemia e as novas restricións anunciadas neste caso para Castela e León expuñan unha dúbida no Pontevedra Club de Fútbol a nivel deportivo, se o vindeiro domingo 8 de novembro (17.30 horas) xogará ante público no Estadio Ruta de la Prata de Zamora.
Esa incógnita foi despexada á primeira hora deste mércores polo cadro zamorano, colíder do Subgrupo 1-A xunto aos granates, que publicou un comunicado tras coñecer a nova normativa recollida no Diario Oficial de Castela e León.
"O partido que o vindeiro domingo 8 de novembro enfrontará ao Zamora CF co Pontevedra CF no estadio Ruta de la Prata ás 17:30 horas celebrarase con público, tal e como permite a Junta", confirma o club branquivermello.
O Diario Oficial establece a prohibición de asistencia de público en eventos deportivos baixo teito, pero non ao aire libre, ao que se agarra o Zamora para tentar dar cabida como mínimo aos seus socios.
De todos os xeitos "queremos apelar á responsabilidade individual e ao sentido común de cada un dos nosos abonados, afeccionados e seguidores", sinala a entidade castelá, que avanza que "nas próximas horas informarase desde o club de todas as medidas que levarán a cabo para celebrar o encontro coa máxima seguridade, atendendo como sempre ás recomendacións sanitarias impostas polo coronavirus".
Relacionadas:
-
Dous goles anulados evitan o triunfo en Zamora dun Pontevedra que xogou unha hora en superioridade (0-0)
Por Diego Espiño |
-
A primeira defensa do liderado para o Pontevedra pasa polo "muy combativo" Zamora
Por Diego Espiño |
-
Romay, cun problema muscular, baixa do Pontevedra para o seu desprazamento a Zamora
Por Diego Espiño |
-
O Zamora poderá finalmente dar cabida a 1.135 dos seus socios no partido contra o Pontevedra
Por Diego Espiño |
-
Aguirrechu, segundo adestrador do Zamora, ve o Pontevedra como "uno de los mejores equipos de la categoría"
Por Redacción |
-
Moito máis que goles: os intanxibles de contar con Charles e Rufo
Por Diego Espiño |
-
Un Pontevedra líder da Segunda B doce anos despois
Por Diego Espiño |
-
O líder Pontevedra salva a vitoria despois de dominar a un combativo Celta B (2-1)
Por Manu Otero & Cristina Saiz |