Silgar réndese á XIV Milla Urbana
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Máis de 400 atletas encheron de deporte a soleada mañá de domingo no Paseo de Silgar, lugar escollido para a celebración da XIV Milla Urbana de Sanxenxo.
Antes de que saltasen a escena os deportistas federados, os máis pequenos puideron gozar da proba nun percorrido máis reducido, de 400 metros para prebenxamíns, benxamíns e alevíns e de 800 metros para infantís e cadetes.
A milla, cos seus 1.609 metros, quedou reservada para os atletas júnior, sénior e veteranos, ademais dos federados que disputaron a proba absoluta.