Galicia convoca catro ciclistas pontevedreses para o Campionato de España Júnior
Por Redacción
O Campionato de España de ciclismo na estrada júnior celébrase a primeira fin de semana de setembro na localidade mallorquina de Llucmajor e alí estará o combinado galego. A Federación Galega fixo público este xoves a convocatoria para o nacional e entre os citados figuran tres ciclistas do Club Ciclista Farto e un do Ciudad de Pontevedra.
A selección galega, composta por tres corredoras e oito corredoras, competirá entre o 4 e 6 de setembro e desprazarase ao arquipélago balear o vindeiro xoves. O evento comezará o venres 4 coa disputa das contrarreloxos individuais, mentres que o domingo será a quenda das probas en liña. Ás 9 horas tomará a saída as mulleres, mentres que os homes farano ás 11 horas.
En representación dos clubs pontevedreses estarán Claudia García, Sabela Rey e Raúl Casalderrey do Farto, mentres que Gianni Iannelli representará ao Ciudad de Pontevedra.
O resto do combinado júnior galego está formado por Aroa Mediavilla do Cambre, Manuel Rodríguez do Bathco, Ismael Rodríguez, Martín Rey e Breogán Diz do Cortizo, Miguel Ángel Mera do MMR e Miguel Rodríguez do Ponteareas.
Relacionadas:
-
O vilanovés Víctor Mariño conclúe sexto o nacional sub 23 de descenso de BTT
Por Redacción |
-
Samuel Blanco, ciclista do Froiz, proclámase campión de España en Xaén
Por Redacción |
-
Oitavo posto para Adrián Barros, do Supermercados Froiz, na crono sub 23 do campionato de España
Por Redacción |
-
O Froiz entra en modo Campionato de España
Por Redacción |
-
Galicia cita a catro corredores sub 23 do Froiz para os campionatos de España
Por Redacción |