O Pontevedra confirma a Jesús Ramos como o seu adestrador para a próxima tempada
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Tras semanas sen noticias oficiais sobre a planificación da próxima tempada, o Pontevedra Club de Fútbol confirmou a primeira peza do seu novo proxecto deportivo. Trátase de Jesús Ramos, que continuará como adestrador do primeiro equipo.
Ramos, que se fixo cargo do club durante a pasada tempada tras a destitución de Luismi primeiro e por segunda vez tras o cesamento de Carlos Pouso, estará á fronte da nave granate.
O club asegura que, tras a paréntese provocada pola COVID-19, xa está a traballar nun proxecto que definen como "ilusionante".
Afirman desde a entidade granate que, a partir de mañá, irán facilitando información sobre a composición do persoal da próxima tempada.
Esta nova tempada estará marcada, sen dúbida, pola intención da Federación Española de Fútbol por reestruturar a categoría de bronce creando a denominada Segunda B PRO, na que competirán desde a tempada 2021-2022 os equipos máis potentes da categoría.