Bea Gómez non consegue clasificarse para a final dos 800 libres do Mundial de Barcelona
Por Redacción
A nadadora pontevedresa Beatriz Gómez Cortes non logrou clasificarse este venres para a final da proba dos 800 metros libres dos Campionatos do Mundo de Natación, que se están a disputar en Barcelona ata o próximo domingo. Pola contra, a española Mireia Belmonte clasificouse.
Bea Gómez quedou moi lonxe do mellor tempo marcado pola neozelandesa Lauren Boyle cun tempo de 8:25.03. A pontevedresa parou o cronómetro nun tempo de 8:37.26, o décimo noveno das participantes.
Ao rematar a proba, en declaracións para a canle Teledeporte, Bea Gómez, explicou que "he intentado empezar demasiado rápido y seguir a Boyle y me ha pasado factura, era demasiado rápido ese ritmo", confesou.
Non obstante, a nadadora pontevedresa mostrouse moi enteira e recordou que que "tampoco tengo mucha experiencia y poco a poco iré aprendiendo de los errores. En los 400 estilos supongo que nadaré con más rabia porque quiero que me salga bien una prueba y a ver si puedo entrar en una final", sentenciou.