![](/web/cache/scene/uploads/fotos/foto/fb6/_S7QytKoutjK3UsovKMnMzytWsi62MgJyq/Lzc52L8gt0zCwMdI_/_wNDHSSU/NKUot0SvILlKxrAQ==_/5e172af11d-img-20200109-wa0001.jpg)
© Club Waterpolo Pontevedra
Carrusel de campionatos galegos de waterpolo no CGTD de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Pontevedra será unha tempada máis a casa do waterpolo galego. Será así pola implicación do Club Waterpolo Pontevedra na organización de campionatos.
Durante este ano o club pontevedrés organizará ata 13 campionatos autonómicos, tal e como sinalaron na presentación dos catro primeiros levada a cabo este xoves no Centro Galego de Tecnificación Deportiva (CGTD).
Esas catro competicións desenvolveranse durante o mes de xaneiro, en plena tempada de inverno, empezando este mesmo sábado día 11 co Campionato Galego Cadete Feminino, onde desde as 10:00 horas competirán tres clubs (Pontevedra, RCN Vigo e CW Coruña) en formato de triangular.
Ademais o CGTD será escenario o sábado 18 de xaneiro dos campionatos autonómicos Infantil Feminino e Benxamín Mixto, mentres que o sábado 25 de xaneiro está previsto que se celebra o Campionato Galego Alevín Mixto, o máis concorrido de todos coa presenza de ata 7 equipos.