Primeira vitoria do Leis feminino en liga e primeira derrota do conxunto masculino
Por Redacción
O Leis Pontevedra da Segunda División feminina estreou o taboleiro de puntos no seu segundo partido de liga vencendo no Pavillón Municial ao Unami CP (1-0) grazas a un solitario gol de Sara aos 33 minutos.
As rapazas dirixidas por Jacobo Estors apoiáronse na boa actuación do seu gardameta Silvia para manter a raia ás visitantes.
Pero a vitoria non foi a única noticia agradable para o Leis. A súa xogadora Adriana, que sufriu un esvaecemento durante o partido da primeira xornada, en Navalcarnero, xa pode volver aos adestramentos. As probas que lle realizaron non revelaron ningunha doenza e déuselle o alta médica.
Na mesma categoría, a Segunda División feminina, o Poio Pescamar afrontou a semana de descanso na competición.
Primeira derrota na Terza masculina
O Leis caeu por primeira vez na tempada na pista do 5 Coruña FS (4-1), nun partido máis igualado do que reflectiu finalmente o marcador e no que os pontevedreses acusaron as numerosas baixas que sufrían.
Os lerezanos mantéñense en terceira posición da táboa e recibirán a próxima xornada o líder, o Esteo, do que só están a tres puntos de distancia.