Derrota dun combativo Villalonga contra o Deportivo B en Abegondo
Por Redacción
O Deportivo B cortou polo momento a progresión do Villalonga, aínda que o equipo de Guillermo Fernández segue deixando moi boas sensacións en liga. Só perdeu tres partidos e todos en campo de conxuntos considerados favoritos a entrar no play-off de ascenso: Compostela, Rácing e agora o filial coruñés.
Nesta ocasión o Villalonga mostrouse competitivo ata o final do encontro, aínda que a superioridade do Fabril ao inicio da segunda metade desnivelou a balanza a favor dos locais. O gol de Jorge Cano a pase de Teles no minuto 57 foi suficiente para que o Deportivo se sitúe a dous puntos da zona de promoción, empatado co Villalonga, tras un irregular comezo de liga.
DEPORTIVO B: Marc Martínez; Iván González, Uxío, Insua, Ángel; Sidibé, Teles; Lemos (Vela, min. 75), Juan Carlos (Romay, min. 68), Jorge Cano (Adrián, min.87); Dani Iglesias.
VILLALONGA FC: Roberto Pazos; Leo, Miguel, Isma, Roberto Feáns; Nelo (Javi, min.64), Tenorio, Marc, Roberto Piñeiro (Pedro, min.80); Saúl, Machu (Nando, min.60).
Árbitro: Arias (Vigo). Amonestou a Teles no Deportivo B e a Saúl no Villalonga. Expulsou ao visitante Nando por dobre cartón amarelo (min.93).
Goles: 1-0 Jorge Cano, min.57.