Triunfo histórico do Cisne ante o Teucro na Copa do Rei (29-24)
Por Almu Dapena & Diego Torrado
A División de Honra Prata fixo un parón para deixar paso á primeira rolda da Copa do Rei. Cisne e Teucro mediron forzas nun partido no que o conxunto dirixido por Luís Montes mostrouse moi inestable, sensación que souberon aproveitar os de Jabato para impoñer o seu xogo.
As diferenzas nos primeiros minutos foron mínimas e non foi ata o ecuador da primeira metade cando os de Luís Montes aproveitaron a exclusión de Iván Calvo para facer un parcial de 2-0 e poñerse por diante no marcador coa que sería a súa máxima vantaxe (6-8).
Pouco tardou en reaccionar o Cisne que enseguida puxo a igualada no luminoso (8-8) con dúas boas accións de ataque por parte de Andrés Sánchez e Miguel Simón. Foi o conxunto de Jabato o que, neste caso, aproveitou a exclusión de Bojicic para facer un parcial de 3-0 e poñerse por diante no marcador (11-9).
Unha nova exclusión nas filas do Teucro aumentaría a vantaxe do conxunto que xogaba como local e, aproveitando a diferenza numérica da cancha, chegou ao descanso cunha diferenza de tres no luminoso (13-10).
A pesar de que foron os de azul os que comezarían mandando o balón á rede no primeiro ataque da segunda metade, foi o Cisne o que levou as rendas do encontro tras o paso polos vestiarios.
Villamarín converteuse nun pesadelo para os lanzadores do Teucro que lanzamento que facían, lanzamento que o porteiro paraba. Desta maneira foi como o equipo dirixido por Jabato seguiu afastándose ata o 16-11.
Despois dun tempo morto pedido por Luís Montes para tratar de darlle a volta ao partido, o Teucro recortaría distancias con goles de Poveda e Iván Rodríguez que de pouco serviu xa que, cun 16-13 no marcador, a diferenza de tres goles foi o máximo que conseguiu recortar o conxunto recentemente descendido de Asobal.
Os últimos 20 minutos de encontro foron un pesadelo para o Teucro que cada vez vía máis lonxe empatar o partido. O Teucro marcaba, e o Cisne respondía con outro tanto cunha máxima vantaxe de 8 goles.
Pero, a falta de 5 minutos, o Cisne cometeu cinco erros defensivos que o Teucro aproveitou para achegarse no marcador (26-23), recorte que de pouco serviu xa que, os de Jabato volveron coller forzas para terminar o partido marcando os dous últimos goles e impoñendo un resultado histórico para o equipo pontevedrés (29-24).
Relacionadas:
-
Un Cisne moi superior volve gañar o derbi do Lérez ante o Teucro (26-33)
Por Almu Dapena & Diego Torrado |
-
Teucro-Cisne, un partido que "lo tiene todo para animar a la gente a venir"
Por Diego Espiño |
-
O Cisne acaba eliminado da Copa fronte a Puente Genil despois de soñar coa vitoria (21-28)
Por Manu Otero |
-
Carlos Álvarez, incluído na primeira convocatoria de Jabato como seleccionador nacional xuvenil
Por Redacción |
-
O Cisne lidera a clasificación tras vencer ao Córdoba cun gol sobre a bucina (27-28)
Por Almu Dapena |
-
O Teucro consegue os dous puntos ante un Torrelavega moi nervioso en ataque (28-30)
Por Almu Dapena |
-
O Cisne viaxa a Córdoba co vento ao seu favor
Por Redacción |
-
O Torrelavega espera a un Teucro que necesita lavar a súa imaxe
Por Manu Otero |
-
O Ángel Ximénez de Puente Genil, rival do Cisne na segunda rolda da Copa do Rei
Por Redacción |
-
García-Alén abre unha crise no Teucro ao anunciar aos seus compañeiros de directiva que deixa a presidencia
Por Redacción |
-
Derbi de contrastes na primeira rolda da Copa do Rei de balonmán
Por Manu Otero |
-
Pesadelo dun lamentable Teucro ante o Villa de Aranda (23-33)
Por Ramiro Espiño & Diego Torrado |
-
Partido sen defensas con superioridade do Cisne sobre Alarcos (34-29)
Por Ramiro Espiño & Diego Torrado |