O Arxil comeza a súa reconstrución despedíndose de Gala Mestres
Por Redacción
Gala Mestres non continuará no Club Baloncesto Arxil a próxima tempada.
A xogadora catalá converteuse no seu primeiro ano en Pontevedra nunha das máis decisivas do plantel, por iso é polo que o club plantexou como obxectivo prioritario lograr a súa continuidade.
Non puido ser así, explicaron a propia Mestres e a adestradora Mayte Méndez nun acto de despedida celebrado no Restaurante Cambalache, pola oportunidade que se lle presenta de dar o salto á máxima categoría nacional, a Liga Feminina, nun equipo que non quixo desvelar polo momento.
"Me sentí muy a gusto en este club así que espero que las puertas del Arxil siempre estén abiertas para mí. Ahora estoy buscando nuevos retos y nuevas experiencias para seguir creciendo como jugadora", sinalou a xogadora a través dunha carta.
No seu único curso coa camiseta verde, Gala Mestres alcanzou de media 14,7 puntos e 6,9 rebotes por partido, uns números sobresalientes que unidos á súa mocidade e polivalencia abríronlle as portas da elite.
Ademais de Gala Mestres, o Arxil tampouco renovará ás dúas xogadoras foráneas que concluíron a tempada, Chantelle Pressley e Cassandra Oursler, polo que peitea o mercado en busca de reforzos mentres empeza a planificar as renovacións do resto do plantel.
Relacionadas:
-
Continuidade no corpo técnico do Arxil para a nova tempada en LF2
Por Redacción |
-
Paixón polo baloncesto na 18 edición do 3x3 escolar do Arxil
Por Redacción & Mónica Patxot |
-
O Arxil traballa na chegada de tres fichaxes
Por Redacción |
-
Arantxa Mallou pecha, de momento, a súa etapa no Arxil para centrarse en aprobar o MIR
Por Diego Espiño |
-
O filial do Arxil proclámase campión galego e gaña unha praza en Primeira Nacional
Por Redacción |
-
O Arxil despide a tempada co MVP de Gala Mestres na última xornada
Por Redacción |
-
O Arxil pon fin á tempada coa vitoria máis doce, na casa ante o Cerdanyola (64-56)
Por Sofía Lorenzo & Diego Torrado |