Fernando Alarza, unha das grandes promesas do tríatlon español, múdase a Pontevedra
Por Diego Espiño
Unha das grandes promesas do triatlón nacional decidiu instalarse en Pontevedra para preparar os Xogos Olímpicos de Río.
Fernando Alarza, actual campión do Mundo sub-23 e de España absoluto, este título logrado na cidade de Lérez en 2012, abandona a Residencia Blume de Madrid para instalarse no Centro Galego de Tecnificación Deportiva ás ordes de Omar González e o director técnico da Federación Galega de Tríatlon, Luís Piña.
Alarza solicitará praza na instalación pontevedresa e integrarase no seu grupo de traballo desde o próximo 1 de xullo, compartindo adestramentos cos bolseiros e con triatletas externos que tamén se estableceron na cidade de Lérez, como o medallista olímpico Javier Gómez Noya. Así o recoñece o que será o seu adestrador, Omar González, "es bueno para Javi entrenar con jóvenes deportistas y para Fernando estar al lado de un campeón como Gómez Noya".
A intención do talaverano é permanecer en Pontevedra polo menos durante o ciclo olímpico, no que ten posto o seu maior obxectivo, "Fernando tiene un gran potencial y sólo 21 años. Aún no disfrutó de unos Juegos pero no va a renunciar a nada, aunque primero hay que clasificarse".
POLÿMICA COA FEDERACIÿN ESPAÿOLA
Fernando Alarza mantén aberta unha polémica coa Federación Española de Triatlón que lle levou a competir na proba das Series Mundiais de Madrid coa súa propia roupa e non a oficial da Federación ao entender o triatleta que non se respectaba o espazo para os seus patrocinadores persoais.
Esta situación, que podería derivar nunha sanción de cinco meses sen poder competir en probas internacionais, é unha das razóns que empuxou a Alarza a deixar o Centro de Alto Rendemento (CAR) madrileño, onde se adestran habitualmente os bolseiros da Federación Española.