O Poio Pescamar mantén o asexo á terceira praza
Por Redacción
A pelexa pola terceira praza da liga está a lume vivo para o Poio Pescamar, que se atopa a un só punto de distancia do Jimbée Roldán.
O conxunto da Seca buscará reforzar as súas aspiracións de consolidarse na zona alta na visita este domingo (12:30 horas) á pista do Sala Zaragoza, penúltimo clasificado.
As xogadoras adestradas por Dani Díaz intentarán sumar en Zaragoza o seu quinto triunfo consecutivo, aínda que o técnico avisa que "nos vamos a encontrar un rival que tiene urgencias y que va a salir a ganar".
O equipo maño "ha tenido una reeestructuración en el parón navideño, en enero ha incorporado tres jugadoras", explica Díaz, o que supuxo un novo impulso para tentar buscar a permanencia na máxima categoría.
NOVO RECOÑECEMENTO A SILVIA AGUETE
Silvia Aguete non para de recibir felicitacións polo título europeo conseguido coa Selección Española. O último foi a recepción oficial ofrecida ese venres pola subdelegada do Goberno en Pontevedra, Maica Larriba, quen ve na gardameta do Poio Pescamar o exemplo dunha muller que "estuda, que traballa, que é deportista e que as administracións temos a obriga de visibilizar como un exemplo para as rapazas".
Relacionadas:
-
Cómodo triunfo do Poio Pescamar sobre Viaxes Amarelle (3-0) que o leva ao cuarto posto
Por Redacción & Diego Torrado |
-
Silvia Aguete: "Se ganarán más Eurocopas pero la primera siempre será la nuestra"
Por Almu Dapena |
-
Silvia Aguete, tras gañar a Eurocopa de fútbol sala: "Con el paso de las horas seré más consciente de lo que hemos hecho"
Por Redacción |