Silvia Aguete estará na Eurocopa de Portugal
Por Diego Espiño
A primeira Eurocopa Feminina de Fútbol Sala organizada baixo o amparo oficial da UEFA contará cunha xogadora pontevedresa entre as aspirantes ao título.
Trátase de Silvia Aguete, gardameta do Poio Pescamar e que é unha das 15 futbolistas que compoñen a lista oficial feita pública este luns 21 de xaneiro pola seleccionadora nacional, Clàudia Pons.
Silvia, nomeada a pasada campaña mellor porteira da liga española e segunda do mundo nos Umbro Awards, estará desta forma na fase final da competición europea que terá lugar no país veciño, Portugal, concretamente na localidade de Gondomar.
A Eurocopa disputarase en formato de final a catro do 15 ao 17 de febreiro, participando ademais de España e a selección anfitrioa, os combinados nacionais de Rusia e Ucraína.
En semifinais, o día 15 de febreiro, España medirase con Rusia co obxectivo de tentar chegar á final do domingo día 17.
Ademais de Silvia Aguete compoñen a convocatoria da Selección Española: Marta Balbuena (Futsi Atlético), Caridad (Guadalcacín), Isa García (Alcorcón FS), Mayte Mateo (Jimbee Roldán), Noelia Montoro (UCAM), Anita Luján (Futsi Atlético), Irene Samper (Alcorcón FS), Berta (Penya Esplugues), Luci (Burela), Ampi (Montesilvano), Consu (Jimbee Roldán), Amelia (Futsi Atlético), Peque (Burela) e Vanesa Sotelo (Alocorcón FS).
Relacionadas:
-
Silvia Aguete: "Se ganarán más Eurocopas pero la primera siempre será la nuestra"
Por Almu Dapena |
-
Silvia Aguete, tras gañar a Eurocopa de fútbol sala: "Con el paso de las horas seré más consciente de lo que hemos hecho"
Por Redacción |
-
Lidiane Carvalho, lista para debutar co Poio Pescamar
Por Diego Espiño |
-
Inicio da segunda volta para un Poio Pescamar que mira cara á terceira praza
Por Redacción |
-
Vitoria do Poio ante o UCAM Murcia con dous goles de Dani Sousa (2-1)
Por Sofía Lorenzo & Diego Torrado |
-
A brasileira Lidiane Carvalho, nova futbolista do Poio Pescamar
Por Redacción |
-
Silvia Aguete queda ás portas de ser nomeada mellor porteira do mundo
Por Redacción |