O infantil masculino do Teucro clasifícase para a fase final do Campionato de España
Por Redacción
Dos Hermanas (Sevilla) acollerá entre os días 29 de maio e 2 de xuño a fase final do Campionato de España infantil de balonmán. Alí estará o equipo masculino da Sociedad Deportiva Teucro, que tras impoñerse no sector celebrado en Pontevedra se meteu entre os oito mellores equipos do país.
Os azuis quedaron encadrados no Grupo 1 xunto a FC Barcelona, BM La Roca (Barcelona) e BM Montequinto (Sevilla). Os dous primeiros clasificados cruzaranse en semifinais cos primeiros do Grupo 2, composto por Granollers, Base Oviedo, Córdoba e Deportivo Iplacea de Madrid.
No sector celebrado o pasado fin de semana en Pontevedra o infantil do Teucro rematou en primeiro lugar nun triplo empate grazas ao mellor tenteo de goles despois de gañar o primeiro partido ante o Parla (24-20), perder o segundo co Covadonga (27-25) e impoñerse no último encontro ante o Maristas Ademar (26-23).