Vilagarcía amplía a súa oferta nas escolas deportivas coa inclusión da ximnasia rítmica
Por Redacción
A Fundación Municipal de Deportes de Vilagarcía abriu o prazo de inscrición para o novo curso das escolas deportivas municipais, que se desenvolverán entre outubro e xuño.
Ata o día 3 de outubro será posible anotarse nas diferentes especialidades propostas, nas que a novidade é a inclusión da ximnasia rítmica.
Organizaranse tres tipos de escolas en función das idades dos participantes e para cubrir a franxa dos 4 aos 15 anos: a escola de Psicomotricidade para os máis pequenos (nados nos anos 2013 e 2014), a Multideportiva para os medianos (nacidos entre 2010 e 2012), e as de Base para os máis maiores (nacidos entre 2003 e 2009).
As opcións este ano serán, ademais da ximnasia rítmica: fútbol, patinaxe, tenis de mesa, acrobacias de artes marciais, baloncesto, tenis, rugby, aerobic, voleibol, baile deportivo, xadrez, artes marciais e atletismo.
O custo total da inscrición para todo o curso é de 12 euros.