Segunda xornada de División de Honra para unha Gimnástica que busca meterse na final polo título
Por Redacción
A Sociedad Gimnástica xógase este sábado en Burgos a súa clasificación, por segunda vez na historia, para a final polo título da División de Honra de atletismo, un obxectivo que de lograrse aseguraría ademais a permanencia un ano máis entre a elite nacional sen ter que sufrir as angustias da última xornada.
Despois do segundo posto de grupo logrado en Aranjuez a pesar das baixas, oitavo na clasificación xeral, o equipo pontevedrés necesita repetir resultado nunha cita na que compartirá pista co Fútbol Club Barcelona, favorito ao triunfo no encontro, Unicaja Jaén e o anfitrión Caja de Burgos.
O director técnico da Gimnástica, Pablo Díaz, volve confiar no bloque da primeira xornada con algunhas altas e baixas obrigadas. Entran na convocatoria unha vez recuperados José Ángel Gómez en triplo salto, Sergio González en 800 metros, Marcos Fernández en 3.000 metros obstáculos e Emilio Martín nos 3.000 metros, pero o conxunto lerezano contará coas ausencias de Marc Tur e Álex Florez por acudir coa selección nacional á Copa de Europa de marcha que tamén se celebra esta fin de semana
A convocatoria complétana Santi Ferrer, Mario García, Alfonso Palomanes, David Ferrer, Juan Barbosa, David Rocha, Carlos Espina, Iván Maceiras, Víctor Gallego, Martín Brea, David Salas, Ignacio Sarmiento, Gustavo Avilés, Eduardo Gallardo, Eduardo Suárez, Alberto Salcedo, Javi Rodríguez, Robertas Geralavicius, Sergio García, Miguel Ángel Barros, Nano Martínez, Carlos Cerviño, David Alejandro, Manuel Treus, Miguel Ángel Blanco, Jesús Cardó, Carlos Villamor, Jorge Vela, Miguel Toubes, Álex Solla e Jorge Puig.
Relacionadas:
-
A Gimnástica pelexará o sábado en Burgos por manterse na División de Honra de atletismo
Por Redacción |
-
Pablo Díaz, director técnico da Gimnástica: "Temos claro que somos un equipo modesto, moi competitivo pero modesto"
Por Redacción |
-
Gran papel da Gimnástica na primeira xornada da División de Honra disputada en Aranjuez
Por Redacción |