O Teucro, a augar as festas patronais de Guadalaxara
Por Diego Espiño
O primeiro desprazamento da tempada para a Sociedad Deportiva Teucro, tras o empate da primeira xornada en casa ante o Sinfín, terá como escenario este venres (20:30 horas) unha cidade de Guadalaxara en plenas festas patronais.
Os azuis queren augar as celebracións rabuñando algún punto dunha pista "muy difícil" e ante un equipo con "una gran plantilla", recoñece Luís Montes, pero que o pasado ano tivo no Teucro a unha particular besta negra na Liga Asobal, perdendo en Pontevedra e empatando na localidade manchega.
"Debemos gestionar la gestión de los malos momentos", explica o técnico pontevedrés, centrados especialmente no inicio do choque, pero faino desde a visión dun plantel que convencido de que "somos capaces de competir contra cualquiera", segundo verbaliza un dos seus veteranos, Dani Hernández.
A expedición teucrista fará noite este xoves en Alcalá de Henares sen ter que lamentar baixas por lesión na convocatoria.
Pola súa banda, o Guadalajara chega á cita tras caer na xornada inicial ante o Granollers e coas ausencias do central Víctor Montoya e do lateral Bozalongo, ambos os dous lesionados de longa duración.
O encontro será arbitrado polos castelán-leoneses Colmenero Guillén e Rollán Martín.
Relacionadas:
-
O Teucro cede en Guadalaxara na súa primeira saída do curso (31-26)
Por Redacción |
-
O teucristas Domingo Luis e Sergio Pérez estarán nos Xogos Olímpicos da Mocidade
Por Redacción |
-
Empate que sabe a gloria a un Teucro lastrado polo seu mal inicio ante BM Sinfín (23-23)
Por Ramiro Espiño & Mónica Patxot |