O Trofeo Virxe do Porto de ciclismo cambia a Seixo
Por Redacción
O Club Ciclista Marinense organiza un ano máis, e van 24, o Trofeo Virxe do Porto de ciclismo, que se celebrará o vindeiro domingo 9 de setembro.
Como novidade, nesta ocasión a competición trasládase a Seixo e abandona o tradicional circuíto polo centro urbano marinense.
Desta forma os ciclistas, desde as categorías de escolas pasando por cadetes e júnior masculino e feminino, competirán nun circuíto habilitado polas rúas da parroquia de Seixo, con saída e chegada na contorna do mercado.
O Trofeo dará comezo ás 10:00 horas da mañá e prolongarase ata aproximadamente as 14:00 horas.
Na presentación do mesmo estiveron presentes o concelleiro de Deportes, Antonio Traba, o presidente do Club Ciclista Marín, Juan Carlos Ruibal, a ciclista Irene Trabazo e representantes da Asociación de Comerciantes Marín Sur.