Cajasol, Guadalajara e Pielagos, rivais do Marín Peixe Galego no Campionato de España Júnior de baloncesto
Por Diego Espiño
Os 32 mellores equipos de baloncesto de España en idade Júnior xa coñecen os seus emparellamentos na primeira fase do Campionato de España de Clubs masculino que se celebrará en Marín, Pontevedra e Cambados do 12 ao 18 de maio.
O equipo anfitrión, o Marín Peixe Galego, intentará repetir a xesta do ano pasado cando o equipo cadete chegou á final do mesmo campionato, aínda que a tarefa se antolla difícil, segundo recoñece Pablo Alonso, "tenemos bajas importantes del campeonato cadete y además es un campeonato junior, es más difícil, más físico, nosotros somos un equipo pequeño y hay algunos que tienen 11 o 12 jugadores de máximo nivel. Hay que hacer un papel digno, nuestro objetivo es pasar la primera fase que yo creo que sería un éxito".
Pablo Alonso: "nuestro objetivo es pasar la primera fase que yo creo que sería un éxito"
O Peixe Galego quedou encadrado no Grupo G xunto ao Cajasol, o Guadalajara Basket e o Pielagos cántabro, "tenemos un rival muy fuerte como el Cajasol, que el año pasado ganó el Nacional cadete, son uno de los favoritos para ganar pero los otros dos creemos que son rivales de nuestro nivel".
Os júnior marinenses disputarán todos os seus partidos da primeira fase no Pavillón da Raña, domingo, luns e martes ás 20:00 horas. Os dous primeiros do seu grupo lograrán o pase a semifinais, onde se cruzarán co Grupo H composto por Asefa Estudiantes, Unicaja, Covadonga Basket e Burlada.
O resto de grupos quedou composto da seguinte forma: Grupo A: FC Barcelona Regal, Náutico Sevilla, Easo e Náutico Tenerife; Grupo B: Joventut, CBA Heidelberg, Instituto Rosalía de Santiago e o terceiro clasificado do sector vasco aínda por confirmar; Grupo C: Blancos de Rueda, Real Canoe, Meridiano Alicante e UCAM Murcia; Grupo D: Gran Canaria, Fundación 5+11, Colegio Leonés e o primeiro clasificado de Extremadura aínda por confirmar; Grupo E: Estudiantes de Lugo, La Salle Palma, Cornellá e Agustinos Eras; Grupo F: Real Madrid, CAI Zaragoza, Valencia Basket e Albacete Basket.
Consulta aquí os horarios e as sedes de todos os encontros do campionato.