O Mareantes proclámase campión da 1ª Territorial do rugby galego
![Diego](/web/cache/scene/uploads/xornalistas/foto/5df/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/570532d2ea-20160329-patxot-diego-espino-1009.jpg)
Por Diego Espiño
Ao grande. Así se proclamou o Mareantes Rugby Club de Pontevedra campión da 1ª Territorial Galega despois de deixar na cuneta no play-off aos dous primeiros clasificados da liga regular.
No partido decisivo, disputado no Ponte dos Brozos de Arteixo, os pontevedreses impuxéronse ao CD Zalaeta Arteixo (21-32) rompendo unha vez máis os prognósticos.
O Mareantes, que foi de menos a máis ao longo da tempada, eliminou nun apertado partido de semifinais ao campión da liga regular, o Universidade de Vigo B (14-17).