Sorteado o cadro de competición da Copa Deputación de fútbol 2018
Por Redacción
O Pazo Provincial foi escenario a última hora deste xoves do sorteo do cadro de competición da Copa Deputación de Fútbol 2018 na súa fase territorial pontevedresa.
Con medio cento de equipos inscritos, nesta ocasión só figuran entre os aspirantes dous equipos de Terceira División como o Céltiga e o Alondras, tras a renuncia de Arosa, Ribadumia ou Villalonga.
Esta situación permitiu o acceso directo ao cadro de todos os equipos inscritos, eliminando a previa doutras ocasións.
A competición iniciarase o día 28 de marzo e contará con seis roldas eliminatorias, a partido único, ata o 30 de maio, data na que se coñecerá o campión da zona de Pontevedra que se enfrontará na gran final da Copa Deputación ao vencedor da fase viguesa.
Salcedo, Deiro e Santomé non coñecen aínda os seus rivais, que sairán da lista de reserva. O resto de emparellamentos de primeira rolda son: Unión Sampaio-Alondras, Bueu-Poio, Caldas-Atlético Cuntis, Domaio-Portonovo, Cruceiro-Xuventú Sanxenxo, A Lama-Unión Dena, Mosteiro-Bandeira, Marín-Moaña, Atlético Estación-Zacande, Cobres-Beiramar, San Adrián-Cordeiro, Soutomaior-Beluso, Caroi-Noalla, Vilatuxe-Laro, Vea-Estradense, Vilagarcía-Céltiga, Portas-San Andrés, Barro-Cambados, Chispa-Campo Lameiro, Sporting Libertad-Puentearnelas, Bamio-Pontevedra B, Cotobade-Furia, Umia-Unión Grove, Amanecer-San Martín, Estrella Dorada-Xil, Romai-Lamela, Arcade-Marcón, Figueirido-Lalín e Berres-Estudantil.